पुणे शिवदर्शन येथील प्रसिद्ध श्री लक्ष्मीमाता मंदिरात अक्षय्य तृतीयेनिमित्त भाविकांची दर्शनासाठी रीघ लागल्याचे चित्र होते. पुणे नवरात्रौ महोत्सवाचे अध्यक्ष व माजी उपमहापौर आबा बागुल , पुणे नवरात्रौ महिला महोत्सवाच्या अध्यक्षा जयश्री बागुल यांच्या उपस्थितीत देवीची आरती करण्यात आली. यावेळी देवीच्या चरणी एक टन कलिंगड , खरबूज अर्पण करून नंतर या फळांचे वाटप करण्यात आले.
याप्रसंगी घनश्याम सावंत, नंदकुमार बानगुडे, अमित बागुल, हेमंत बागुल , कपिल बागुल ,सागर बागुल, राम रणपिसे , रोहित मते , सचिन शिंदे, दीपक निकम, कुमार खटावकर , दिनेश पवार आदींसह पदाधिकारी उपस्थित होते. देवीसाठी यंदा खास म्हैसूरवरून पुष्पहार मागविण्यात आला होता. दर्शनासाठी भाविकांची मोठी गर्दी होती.

माजी उपमहापौर आबा बागुल यांच्या मार्गदर्शनाखाली पुणे शहर काँग्रेसचे सरचिटणीस अमित बागुल आणि मित्र परिवाराने गुजर निबाळकर वाडी येथील ममता फौंडेशनमधील एड्सग्रस्त मुला -मुलींसाठी मनसोक्त आंबे खा पार्टीचे आयोजन करण्यात आले होते, त्यात प्राजक्ता माळीही सहभागी झाल्या होत्या.त्यावेळी त्या बोलत होत्या. माळी म्हणाल्या ,समाजापासून वंचित असलेल्या या मुलांसाठी कोणतेही शासकीय अनुदान नसतानाही शिल्पा बुडुख , या काम करीत आहेत आणि या मुलांच्या चेहऱ्यावर आनंद यावा, त्यांचे शेवटचे जीवन सुसह्य व्हावे , ते आनंदाने जगावे यासाठी माजी उपमहापौर आबा बागुल , अमित बागुल आणि मित्रपरिवार सातत्याने विविध कार्यक्रम या मुलांबरोबर घेतात हे खूप महत्वाचे आहे आणि समाजानेही या वंचित मुलांसाठी योगदान द्यावे असेही माळी यांनी स्पष्ट केले.
या वंचित मुलांसाठी दिवाळी पहाट , दिवाळी संध्या , नववर्ष स्वागत ,विविध सणवार वर्षभर अमित बागुल मित्रपरिवारा कडून साजरे केले जातात, गेले दहा वर्षे हे उपक्रम सुरु आहेत. विशेष म्हणजे या मुलांच्या हवाई सफरची इच्छा अमित बागुल यांच्या वाढिदवसानिमित्त दोनवेळा पूर्ण करण्यात आलेली आहे.या शिल्पा बुडुख यांनी दिलेल्या माहितीवर प्राजक्ता माळी यांनी यापुढे माझ्यापरीनेही या उपक्रमात सहभाग असेल अशी ग्वाही दिली. याप्रसंगी पुणे शहर काँग्रेसचे सरचिटणीस अमित बागुल , जयकुमार ठोंबरे , सतीश कांबळे, सन्मित चौधरी, धनंजय कांबळे, अमर ससाणे , महेश ढवळे , ज्योती अरविंद , रजिया बल्लारी , इम्तियाज तांबोळी , अभिषेक बागुल , संतोष पवार , बाबासाहेब पोळके , सुरेश कांबळे, सागर आरोळे आदी उपस्थित होते.

पुणे : गुणवत्तापूर्ण शिक्षणासाठी आर्थिक दुर्बल घटकांसह मध्यमवर्गीय विद्यार्थ्यांसाठी महत्वाच्या ठरलेल्या देशातील पहिल्या राजीव गांधी ई-लर्निंग स्कुलने सलग सहाव्यांदा केंद्रीय माध्यमिक शिक्षण मंडळ अर्थात सीबीएसई बोर्ड इयत्ता दहावी आणि राज्य माध्यमिक आणि उच्च माध्यमिक शिक्षण मंडळाच्या इयत्ता बारावीच्या निकालात यंदाही शंभर टक्के निकालाची परंपरा कायम राखली आहे. यशस्वी विद्यार्थ्यांचे आणि शिक्षकांचे माजी उपमहापौर आबा बागुल यांनी अभिनंदन केले आहे.
सीबीएसई बोर्ड इयत्ता दहावीसाठी यंदा २० मुली आणि १९ मुले असे एकूण ३९ विद्यार्थी परीक्षेला बसले होते. ती सर्व उत्तीर्ण झाली. साक्षी कमलापुरे हिने ८५.४ टक्के तर ओंकार गोरवडे ८३. ८ तसेच शुभम शिंदे याने ८३. ८ टक्के गुण प्राप्त केले आहे. तर राज्य माध्यमिक आणि उच्च माध्यमिक शिक्षण मंडळाच्या बारावी परीक्षेला २७१ विद्यार्थी बसले होते. सर्व विद्यार्थी चांगले गुण मिळवून उत्तीर्ण झाले आहेत.
एकूण ९८ टक्के निकाल लागला आहे, त्यात १२४ विद्यार्थी विशेष गुणवत्ता तर ९८विद्यार्थी प्रथम श्रेणीत ,३७ विद्यार्थी द्वितीय श्रेणीत उत्तीर्ण झाले आहेत. अनिरुद्ध अत्रे [ ९४. १५ टक्के ] अर्णव संभारे [ ९२.७७ टक्के ] अदिती जोशी [ ९२. ६२ टक्के ] मारिया जोजी [ ९२. ४६ टक्के ] समृद्धी मालेगावकर [ ९२ .४६ टक्के ] साक्षी पाटील [ ९२ . ३१ टक्के ] दिव्या अलोणे [९२.१५ टक्के ] अथर्व कुलकर्णी [ ९२ टक्के ] मृगशी कुलकर्णी [ ९२ टक्के ] प्रतीक्षा काकडे [ ९१. ३८ टक्के ] या विद्यार्थ्यांनी विशेष यश प्राप्त केले आहे. याबाबत माजी उपमहापौर आबा बागुल म्हणाले कि, पुणे महानगरपालिकेच्या राजीव गांधी ई - लर्निंग स्कुलमध्ये आर्थिक दुर्बल घटकासह मध्यमवर्गीयांची मुले शिक्षण घेतात. गुणवत्तापूर्ण शिक्षणासाठी या शाळेने नावलौकिक प्राप्त केला आहे. सीबीएसई बोर्ड इयत्ता दहावीपर्यंत आणि राज्य माध्यमिक आणि उच्च माध्यमिक शिक्षण मंडळाच्या इयत्ता बारावीपर्यंत शिक्षणाची सुविधा आहे. शाळेची स्थापना माझ्या पुढाकारातून झाली. स्थापनेपासून सलग शंभर टक्के निकालाची परंपरा राखण्यात यश मिळाले आहे.केवळ दहावी-बारावीमध्येच नाही तर आयआयटीमध्येही या शाळेतील विद्यार्थी टॉपर ठरले आहेत. विद्यार्थ्यांच्या उज्ज्वल भवितव्यासाठी गुणवत्तापूर्ण शिक्षण कसे मिळेल यासाठी शिक्षकवर्ग , सर्व लोकप्रतिनिधी आणि पालिकेच्या अधिकाऱ्यांनी प्रयत्न केल्याने हे यश मिळाले आहे असेही आबा बागुल यांनी नमूद केले .

पुणे : भारतीय चित्रपटसृष्टीचे जनक महर्षी स्व. दादासाहेब फाळके यांचा 'राजा हरिश्चंद्र हा पहिला भारतीय मूकपट ३ मे १९१३ रोजी प्रदर्शित झाला आणि भारतीय चित्रपटसृष्टीचा जन्म झाला. या महान चित्रमहर्षीची कीर्ती आणि स्मृती जागती ठेवण्यासाठी पुण्याचे माजी उपमहापौर व ज्येष्ठ नगरसेवक आबा बागुल यांनी शिवदर्शन येथील यशवंतराव चव्हाण उद्यानात चित्रमहर्षी दादासाहेब फाळके यांच्या नावाने उभारलेल्या फोर -डी थिएटरच्या नामफलकाला पुष्पहार अर्पण करून अभिवादन केले.
चित्रमहर्षी दादासाहेब फाळके यांच्या नावाने उभारलेल्या या फोर -डी थिएटरच्या उदघाटनाला पाच वर्षांपूर्वी जेष्ठ सिने अभिनेत्री शर्मिला टागोर, जेष्ठ दिग्दर्शक सुभाष घई व प्रसिद्ध दिग्दर्शक डॉ. जब्बार पटेल हे उपस्थित राहिले होते.
छायाचित्र ओळ : यशवंतराव उद्यानात चित्रमहर्षी दादासाहेब फाळके यांच्या नावाने उभारलेल्या फोर -डी थिएटरच्या नामफलकाला पुष्पहार अर्पण करून अभिवादन प्रसंगी पुण्याचे माजी उपमहापौर ज्येष्ठ नगरसेवक आबा बागुल व डावीकडून ज्योती आरवेन , रजिया बल्लारी, पवार,सतीश कांबळे,जयकुमार ठोबरे,अमित बागुल,द.स.पोळेकर,नंदकुमार बानगुडे,नंदकुमार कोंढाळकर,रमेश भंडारी,गोरख मरळ,विश्वास दिघे,प्रकाश अरवेन आदी उपस्थित होते.

पुणे लोकमान्य टिळक यांचा राजस्थानमधील आठवी इयत्तेच्या समाजशास्त्र विषयाच्या रेफरन्स बुकमध्ये अपमान केल्याचा संतापजनक प्रकार उघडकीस आल्याने पुणे शहर काँग्रेसकडून राजस्थान सरकारचा केसरीवाडा येथे निषेध करण्यात आला आणि कोणत्याही परिस्थितीत लोकमान्यांचा अवमान सहन करणार नाही असा इशाराही देण्यात आला.
लोकमान्य टिळकांविषयी वादग्रस्त उल्लेख राजस्थानमधील इंग्रजी माध्यमातील आठवी इयत्तेच्या समाजशास्त्राच्या रेफरन्स बुकमध्ये करण्यात आला आहे. अठराव्या आणि एकोणिसाव्या शतकातील राष्ट्रीय चळवळ या धड्यात टिळकांचा उल्लेख आहे.
देशाला टिळकांनी चळवळीचा मार्ग दाखवल्यामुळे ते दहशतवादाचे जनक (फादर ऑफ टेररिझम) ठरतात. असे या पुस्तकात नमूद करण्यात आल्याचा धक्कादायक प्रकारचा निषेध करण्यासाठी केसरी वाडा येथे पुणे शहर जिल्हा काँग्रेस कमिटीकडून निदर्शने करून राजस्थान सरकारचा निषेध करण्यात आला, यावेळी काँग्रेस नेते रोहित टिळक , पुणे शहर जिल्हा काँग्रेस कमिटीचे सरचिटणीस अमित बागुल , जयकुमार ठोंबरे , द. स. पोळेकर , विश्वास दिघे ,सुरेश कांबळे, सतीश कांबळे, विनय ढेरे आदींसह पदाधिकारी, कार्यकर्ते उपस्थित होते. यावेळी अमित बागुल म्हणाले ,फादर ऑफ टेररिझमअशा शब्दाचा वापर एखाद्या महान व्यक्तींविषयी कसा काय केला जाऊ शकतो? भाजपच्या सरकारकडून असे कारस्थान जाणीवपूर्वक रचले जात आहे, मात्र ते कधीच यशस्वी होणार नाही. या प्रवृत्तीचा आम्ही निषेध करतो असे ते म्हणाले.

उन्हाळ्यात कडक उन्हामुळे अंगाची लाही लाही होत असताना थंडगार पाणी मिळाल्याचा आनंद अवर्णनीय असतो. हाच आनंद पक्ष्यांना मिळावा व रणरणत्या उन्हात फिरताना त्यांना थंडगार पाणी मिळावे यासाठी पुणे शहर जिल्हा कॉंग्रेस कमिटीचे सरचिटणीस अमित बागुल यांच्या पुढाकाराने मातीची ५००० भांडी तयार करून पक्षी प्रेमी नागरिकांना ती मोफत देण्याचा उपक्रम सुरु करण्यात आला आहे.
यासाठी विशिष्ट प्रकारची मातीची पसरट भांडी मुद्दाम तयार करून घेण्यात आली असून गेली ५ वर्षे त्यांचा हा उपक्रम चालू आहे.नागरिकांचा देखील यास मोठा प्रतिसाद लाभत आहे.याबद्दल समाधान वाटत असून आत्तापर्यंत २५०० हून अधिक मातीची भांडी नागरिकांना देण्यात आली आहेत.
ज्या पक्षीप्रेमी नागरिकांना अशी मातीची भांडी हवी असतील त्यांनी अमित बागुल ९८२२२३२३२२या क्रमांकावर संपर्क साधावा असे आवाहन अमित बागुल यांनी केले आहे.

वाढत्या अपघातांचे प्रमाण आणि वेळेवर न मिळणाऱ्या मदतीमुळे अनेक अपघातग्रस्तांचा जीव धोक्यात येत असल्याच्या घटनांच्या पार्श्वभूमीवर महापालिकेने शहरातील मुख्य चौकांमध्ये चोवीस तास रुग्णवाहिका उपलब्ध करून देण्यासाठी थांबे उभारावेत तसेच शासकीय ,निमशासकीय आणि खासगी रुग्णवाहिका एका यंत्रणेवर सुसंगत करण्याची नितांत गरज आहे.
नुकतीच पाषाण परिसरात अपघाताची घटना घडली त्यात वेळेवर रुग्णवाहिका उपलब्ध न झाल्याने अपघातग्रस्ताला मोठा त्रास सहन करावा लागला. हा कटू अनुभव खुद्द पालिका आयुक्तांना घ्यावा लागला. पुणे महानगरपालिका व खासदार , आमदार निधीमार्फत मोठ्या प्रमाणावर रुग्णवाहिका खरेदी केल्या जातात. या रुग्णवाहिका वेळेवर उपलब्ध होत नाहीत. परिणामी गंभीर घटनांना सामोरे जावे लागते.
अनर्थ टाळण्यासाठी आणि अपघातग्रस्ताला तातडीने वैद्यकीय उपचार मिळण्यासाठी शहराच्या मुख्य चौकांमध्ये रुग्णवाहिकांचा स्वतंत्र थांबा विकसित करून तिथे महानगरपालिका व खासदार , आमदार निधीमार्फत खरेदी केलेल्या रुग्णवाहिका तसेच खासगी रुग्णवाहिका चोवीस तास उपलब्ध करून द्याव्यात आणि या रुग्णवाहिका फायर ब्रिगेडच्या १०१ या दूरध्वनी क्रमांकाशी जोडलेल्या असाव्यात जेणेकरून , ज्यावेळी अपघाताबाबत दूरध्वनी येईल ,त्याक्षणी त्या- त्या भागातील उपलब्ध रुग्णवाहिका अपघातस्थळी पोहचेल आणि वेळेवर अपघातग्रस्ताला मदत मिळेल मात्र त्या रुग्णवाहिकेचे शुल्क महापालिका अदा करेल अशी यंत्रणा विकसित करण्यासंदर्भात आपण कार्यवाही करावी ही आपणांस विनंती .

पुणे : स्मार्ट सिटीकडे वाटचाल करणाऱ्या पुणे शहरात पर्यटन तसेच अन्य कामांसाठी येणाऱ्या परदेशी नागरिकांकडून सिटी डेव्हलपमेंट चार्ज आकारण्यात यावा अशा सूचना माजी उपमहापौर आबा बागुल यांनी पालिका प्रशासनाला केल्या आहेत.
याबाबत आयुक्त सौरभ राव यांना दिलेल्या पत्रात माजी उपमहापौर आबा बागुल यांनी म्हटले आहे की, विविध कामांसाठी, पर्यटनासाठी पुणे शहरात येणाऱ्या परदेशी नागरिकांचे प्रमाण खूप मोठे आहे. ज्यावेळी आपण परदेशात जातो, तेथील विविध शहरांना भेटी देतो, त्यावेळी तिथे आपल्याकडून सिटी डेव्हलपमेंट चार्ज म्हणून काही रक्कम आकारली जाते आणि त्या रकमेचा विनियोग तेथील प्रशासन हे स्वच्छताविषयक कामांवर करतात.
त्याच धर्तीवर पुण्यात येणाऱ्या परदेशी नागरिकांकडून पाचशे रुपये सिटी डेव्हलपमेंट चार्ज म्हणून आकारण्यात यावेत. यामुळे पालिकेला एक नवे उत्पन्नाचे साधन उपलब्ध होणार आहे आणि त्यातून जमा होणारा निधी हा स्वच्छताविषयक सेवांवर वापरणे सहजशक्य होणार आहे असेही आबा बागुल यांनी स्पष्ट केले आहे.

शहराची सार्वजनिक वाहतूक व्यवस्था असलेली पीएमपी बससेवा ही सक्षम झालीच पाहिजे. शहराची सार्वजनिक वाहतूक सेवा असलेल्या पीएमपीकडे नागरिक आकर्षित व्हावे आणि खासगी वाहने न वापरता सार्वजनिक वाहतूक सेवेचा अधिकाधिक वापर वाढावा यासाठी पुणे महानगरपालिकेने महिन्याच्या शेवटच्या सोमवारी पीएमपीतून मोफत प्रवासासाठी पालिकेच्या मुख्यसभेने मान्य केलेल्या ठरावाची [ठराव क्रमांक ८४२ दिनांक २१ /१२/१६ ]अंमलबजावणी आजतागायत झालेली नाही . किंबहुना पीएमपीएमएल प्रशासन त्याकडे दुर्लक्ष करीत आहे.
वास्तविक गेल्या अनेक वर्षांपासून पीएमपी ही तोट्यात आहे. तोटा भरून काढण्यासाठी पुणे महानगरपालिका आणि पिंपरीचिंचवड महापालिका अंदाजपत्रकातुन दरवर्षी पीएमपीएमएलला अडीचशे कोटी रुपये देत आहे. विशेष म्हणजे करदात्या नागरिकांसाठी होणाऱ्या विकासकामांना कात्री लावून पीएमपीला रक्कम अदा केली जात आहे;पण पीएमपीच्या कारभारात सुधारणा होतच नसल्याचा अनुभव दरवेळी येतो.त्यातही भागीदार असलेल्या संस्थेने सुचविलेल्या उपाययोजनांची पीएमपी प्रशासन जर दखलच घेत नसेल तर करदात्या पुणेकरांसाठी होणाऱ्या विकासकामांना कात्री का लावायची ? हा प्रश्नही महत्वाचा आहे.
आता पालिकेच्या उत्पन्नावर मर्यादा आल्या आहेत. केवळ मिळकतकर हे उत्पन्न पालिकेसाठी आहे. त्यात पीएमपीला तूट भरून काढण्यासाठी यापुढे रक्कम देणे शक्य होणार नाही. त्यामुळे पीएमपीने आर्थिकदृष्ट्या सक्षम होण्यासाठी पाऊले उचलण्याची गरज आहे. त्यासाठीच महिन्यातून शेवटच्या सोमवारी म्हणा महिन्यातून एकदा पीएमपीतुन मोफत प्रवास हा सार्वजनिक वाहतुकीला चालना देणारा ठरणार आहे त्यामुळे त्यादृष्टीने कार्यवाही व्हावी आणि उत्पन्नवाढीसाठी पीएमपीएमएलने जाहिरातीतून कसे उत्पन्न मिळेल याचे नियोजन करावे तसेच सार्वजनिक वाहतूक सेवा सक्षम आणि प्रवाशांना आकर्षित करण्यासाठी पीएमपीएमएल प्रशासनानाने आधुनिक तंत्रज्ञानाचा अवलंब केला पाहिजे. ऑनलाईन यंत्रणा, ई -तिकिटे , ऍप ही काळाची गरज आहे. त्यात आधुनिक यंत्रणेद्वारे बसेसची स्वच्छता आणि मार्गांचे फेरसर्वेक्षण करून ज्या मार्गांवर प्रवाशी जास्त आहेत,तिथे बसची वारंवारिता जास्त ठेवणे. प्रवाशांना एक्सप्रेस बस सेवा देण्यासाठी रेड ,ग्रीन , यलो या धर्तीवर एक थांबा [ अति जलद ] , दोन थांब्यानंतर एक थांबा [मध्यम जलद आणि सर्व थांब्यावर [ सामान्य ] अशी सेवा देण्यासाठी नियोजन करण्याची गरज आहे. लोकांमध्ये सार्वजनिक वाहतूक सेवेबद्दल विश्वास निर्माण व्हावा यासाठी तातडीने उपाययोजनांची अंमलबजावणी होणे गरजेचे आहे. तूट का येत आहे याचा गांभीर्याने शोध घेऊन त्यानुसार नियोजन करावे ;पण करदात्या पुणेकरांच्या रकमेची लूट आता आम्ही होऊ देणार नाही. याची कृपया आपण नोंद घेऊन त्यानुसार कार्यवाही करावी . यासाठी संयुक्तिक बैठक बोलवावी ही आपणांस विनंती.

पुणे : केंद्रीय माध्यमिक शिक्षण मंडळ अर्थात सीबीएसई इयत्ता दहावी बोर्डाच्या निकालात यंदाही पुणे महानगरपालिकेच्या राजीव गांधी ई - लर्निंग स्कुलच्या विद्यार्थ्यांनी घवघवीत यश संपादन करून शंभर टक्के निकालाची परंपरा कायम राखली आहे. यशस्वी विद्यार्थ्यांचे आणि शिक्षकांचे माजी उपमहापौर आबा बागुल यांनी अभिनंदन केले आहे. यंदा २० मुली आणि १९ मुले असे एकूण ३९ विद्यार्थी परीक्षेला बसले होते. ती सर्व उत्तीर्ण झाली. साक्षी कमलापुरे हिने ८५.४ टक्के तर ओंकार गोरवडे ८३. ८ तसेच शुभम शिंदे याने ८३. ८ टक्के गुण प्राप्त केले आहे. सर्व विद्यार्थ्यांचे शिक्षकवर्गांनी अभिनंदन केले आहे.

पुणे कुटुंबासाठी असो किंवा समाजासाठी दिशादर्शक ठरणाऱ्या ;पण उतारवयात आजरपणामुळे अंथरुणाला खिळून असलेल्या ज्येष्ठ नागरिकांना महापालिकेकडून त्यांचे बेडपान व्यवस्थित व्हावे यासाठी मोफत डायपर उपलब्ध करून त्यांचे जीवन सुसह्य करावे अशी मागणी माजी उपमहापौर व महाराष्ट्र प्रदेश काँग्रेसचे प्रतिनिधी आबा बागुल यांनी महापालिका आयुक्तांकडे केली आहे.
यासंदर्भात आयुक्तांना दिलेल्या पत्रात माजी उपमहापौर आबा बागुल यांनी म्हटले आहे कि, कुटुंबीय असो किंवा सार्वजनिक जीवनात दिशादर्शक ठरणाऱ्या ज्येष्ठ नागरिकांची उतारवयात अवस्था खूपच बिकट होते. आजारपणामुळे अंथरुणाला खिळून पडलेल्या या वयोवृद्ध माता-पित्यांकडे आजच्या धकाधकीच्या आणि मॉडर्न जीवनात कुटुंबियांचेही दुर्लक्ष होते.
परिणामी अंथरुणावर त्यांचे बेडपान व्यवस्थित होत नसल्याने किंबहुना घरच्या मंडळींकडून किळस म्हणून होणाऱ्या दुर्लक्षामुळे या वयोवृद्धांचे खूप हाल होतात. परिणामी त्याचा त्यांच्या आरोग्यावरच विपरीत परिणाम होतो.ज्यांची आर्थिक स्थिती चांगली आहे, त्यांना सेवा मिळतात मात्र बहुतांश वयोवृद्धांकडे त्याचीही व्यवस्था नसल्याने त्यांचे हाल होतात.नैसर्गिक विधी आणि स्वच्छतेचा अभाव यामुळे या वयोवृद्धांचे जीवन असह्य होत आहे. त्यामुळे कुटुंबासाठी ,समाजासाठी योगदान देणाऱ्या या वयोवृद्ध माता-पित्यांचे हाल होऊ नये आणि आपली एक नैतिक जबाबदारी या हेतूने महापालिका हद्दीतील सर्व वयोवृद्ध माता -पित्यांसाठी महापालिकेच्यावतीने मोफत डायपर उपलब्ध करून दिल्यास खऱ्या अर्थाने या वयोवृद्धांचे अखेरचे जीवन सुसह्य होईल. त्यासाठी अंदाजपत्रकात तरतूद करून वयोवृद्ध नागरिकांसाठी महापालिकेने आधारवड ठरावे असे आबा बागुल यांनी नमूद केले आहे.

प्रदूषणाला आळा ; उदयोन्मुख गुणवत्तेला लाभणार नवे व्यासपीठ
पुणे : वाढत्या प्रदूषणाच्या पार्श्वभूमीवर नागरिकांना सायकल चालविण्यास प्रोत्साहन देण्यासाठी महापौर चषक स्पर्धेमध्ये सायकल स्पर्धेचा समावेश करण्यात यावा अशी मागणी माजी उपमहापौर आबा बागुल यांनी केली आहे. सद्यस्थितीत वाहनांची वाढती संख्या पाहता वाहतूक कोंडीचे प्रमाण दिवसेंदिवस वाढत असून पार्किंगचा प्रश्नही गंभीर बनला आहे. वाढत्या वाहनांमुळे प्रदूषणाचे प्रमाणही चिंताजनक होत चालले आहे.याकडे लक्ष वेधून आबा बागुल म्हणाले कि, पर्यावरण संतुलनासाठी आणि वाढत्या प्रदूषणाला आळा घालण्यासाठी नागरिकांना सायकल वापरासाठी प्रवृत्त करणे ही काळाची गरज आहे. महापौर चषक स्पर्धेमध्ये सायकल स्पर्धेचा समावेश करून वर्षातून दोन वेळा सायकल स्पर्धा घेण्याची नितांत गरज आहे. या सायकल स्पर्धेद्वारे नागरिकांमध्ये पर्यावरण,आरोग्याबाबत जनजागृती व्यापक स्तरावर सहज होणे शक्य आहे,तसेच क्रीडा क्षेत्रात नवी गुणवत्ता निर्माण होण्याबरोबरच उदयोन्मुख गुणवत्तेला नवे व्यासपीठही उपलब्ध होणार आहे. असेही आबा बागुल यांनी स्पष्ट केले.

वाहतुकीचा प्रश्न गंभीर;मेट्रोसह अन्य प्रकल्पांमध्ये सुसूत्रता नाही
पुणे : सध्यस्थितीत शहराचा वाहतुकीचा गंभीर बनलेला प्रश्न सोडविण्यासाठी तातडीने महापालिकेने तज्ज्ञांचा समावेश असलेला ट्रॅफिक प्लॅनर सेल निर्माण करावा अशी मागणी माजी उपमहापौर आबा बागुल यांनी पालिका आयुक्तांकडे केली आहे.
याबाबत माजी उपमहापौर आबा बागुल यांनी आयुक्तांना पत्र दिले आहे त्यात म्हटले आहे कि, सद्यस्थितीत पुण्याचा वाहतूक प्रश्न गंभीर बनला आहे, भविष्यात तो आणखी गंभीर होऊ नये यासाठी आतापासून ठोस नियोजन करण्याची गरज आहे. विस्तारणाऱ्या शहरासाठी सध्या मेट्रो, बीआरटी,एचसीएमटीआर,जलवाहतूक , मोनो रेल आदी कामांचे नियोजन सुरु आहे. त्यामुळे या प्रकल्पांच्या कामांमध्ये एकसूत्रता असणे आवश्यक आहे मात्र सध्या मेट्रोचे काम कसे सुरु आहे ? बीआरटीचे नियोजन कसे आहे याबाबत ताळमेळच नाही.
डीपीआरप्रमाणे मेट्रो असो किंवा अन्य प्रकल्प यांचे अलाइनमेंट होणे आवश्यक असताना सध्या कुणाचा कुणाला ताळमेळ नाही असा कारभार सुरु आहे.
डीपीआरप्रमाणे मेट्रोची अलाईनमेंट नाही, याकडेही आबा बागुल यांनी लक्ष वेधले आहे. भविष्याचा विचार करता आतापासून आपल्याला वाहतूक नियोजनासाठी पाऊले उचलावी लागणार आहेत.
त्यासाठी शहराच्या वाहतुकीबाबत नियोजनाचा मास्टर प्लॅन तयार असणे अनिवार्य आहे. त्यामुळे तातडीने शहरासाठी ट्रॅफिक प्लॅनर सेल मध्ये चांगल्या कन्सलटंटची नेमणूक करून तो २४ बाय ७ कार्यान्वित करावा असेही आबा बागुल यांनी नमूद केले आहे.

माजी उपमहापौर आबा बागुल यांच्या पाठपुराव्याला यश
पुणे सांस्कृतिक राजधानी असलेल्या पुणे शहरातील महनीय, दिग्गज व्यक्तिमत्वांचा महापालिकेतर्फे पुरस्काराद्वारे सन्मान करण्याचा खंडित झालेला मार्ग अखेर मोकळा झाला असून रखडलेल्या पुरस्कारांचे वितरणही आता लवकरच होणार आहे. पक्षनेत्यांच्या बैठकीत हा निर्णय घेण्यात आल्याने माजी उपमहापौर आबा बागुल यांनी केलेल्या पाठपुराव्याला यश आले आहे. शहराला अनेक महनीय, दिग्गज व्यक्तिमत्वे लाभली आहेत . गेल्या ७० वर्षात त्यांच्या कार्याप्रती आदर आणि नव्या पिढीला प्रेरणा मिळावी यासाठी त्या- त्या महनीय व्यक्तींच्या नावाने विविध क्षेत्रात योगदान देणाऱ्यांचा सन्मान महापालिकेतर्फे करण्यात येतो,तोही तरतुदीनुसार मात्र राज्यशासनाच्या एका परिपत्रकामुळे या परंपरेत खंड पडण्याची स्थिती ओढवली आणि आठ - नऊ महिने या पुरस्कारांचे वितरण थांबले.राज्यशासनाच्या परिपत्रकाचा आणि न्यायालयाचे निर्देश पुढे करून पुरस्कारांचे वितरण रोखण्यात आल्याने माजी उपमहापौर आबा बागुल यांनी कायद्यातील तरतुदींकडे वारंवार लक्ष वेधून हे पुरस्कार सुरु करण्याची मागणी केली होती आणि तसा ठरावही दिला होता. पक्षनेत्यांच्या बैठकीत हे रखडलेले पुरस्कार पुन्हा सुरु करण्याचा निर्णय घेण्यात आला. त्यामुळे आता संत जगनाडे महाराज, भारतरत्न पंडित भीमसेन जोशी, स्वरभास्कर आदी पुरस्कारांच्या वितरणाचा मार्ग सुकर झाला आहे. गतवर्षी रखडलेले आणि यंदाचे १७ पुरस्काराचे वितरण आता होणार आहे.या निर्णयाबद्दल बोलताना माजी उपमहापौर आबा बागुल यांनी सर्व पक्षनेत्यांसह सांस्कृतिक क्षेत्रातील व्यक्तींचेही आभार मानले आहे. आबा बागुल म्हणाले, ज्या महनीय व्यक्तींचा सन्मान केला जातो ,त्यांच्याकडून कधीही पुरस्काराच्या रकमेची मागणी होत नाही. आपणच ती देत असतो. मात्र न्यायालयाच्या निर्देशानुसार राज्यशासनाने सरसकट पुरस्कार कार्यक्रमावर घातलेली बंदी होती . केवळ पुणे नाही तर अन्य महापालिकाही त्यांच्या -त्यांच्या शहरातील महनीय व्यक्तींचा सन्मान करीत असते. त्यामुळे जे पुरस्कार सुरु केलेले आहेत,ते कदापि बंद करू नयेत. महनीय व्यक्तींच्या नावाने देण्यात येणाऱ्या विविध पुरस्कारांचे वितरण आणि त्यासाठी येणारा खर्च पाहता कोणतीही उधळपट्टी पुणे महानगरपालिकेकडून होत नसल्याचे राज्यशासनाला निदर्शनास आणून द्या तसेच कायद्यातील तरतुदीनुसार मानधन न देणे ही तरतुद निदर्शनास आणून देऊन पुरस्कार पुन्हा सुरु करा , यासाठी सतत पाठपुरावा केला ,त्याला सांस्कृतिक क्षेत्रातील अनेक व्यक्तींनी साथ दिली,त्यांच्या लढ्याला यश आले असे मी मानतो,असे आबा बागुल म्हणाले.

पुणे : मुलगी उजव्या हाताने अपंग... तिचे भविष्य काय ? शिक्षण पूर्ण होईल का या समस्येने ग्रासलेल्या वडिलांना ''तिने'' बारावीच्या परीक्षेत यश मिळवून दिलासा दिला इतकेच नाही, अपंग असले तरी जिद्दीच्या जोरावर जीवनात यशस्वी होणारच हा आशावादही दिला.

अप्पर इंदिरानगरमधील न्यू गणेश नगर येथे राहणारी रुपाली मच्छिन्द्र बनसोडे हिने अपंगत्वावर मात करीत इयत्ता बारावीच्या परीक्षेत ६५ टक्के गुण मिळवल्याने सर्व स्तरातून तिचे कौतुक होत आहे. रिक्षाचालक असलेल्या मच्छिन्द्र बनसोडे यांची रुपाली ही कन्या मात्र उजव्या हाताने कायमची अपंग आहे. अशा स्थितीत तिने बारावीमध्ये चांगले गुण प्राप्त केल्याबद्दल पुणे शहर काँग्रेसचे सरचिटणीस अमित बागुल यांनी रुपालीचा तिच्या घरी जाऊन सत्कार करून पुढील शिक्षणासाठी सर्वतोपरी मदत करण्याची ग्वाहीही दिली.मुलीचा होणारा सत्कार पाहून रुपालीचे वडील गहिवरले.
या प्रसंगी मार्केट ब्लॉक चे अध्यक्ष जयकुमार ठोंबरे महेश ढवळे धनंजय कांबळे सतीश कांबळे मिलिंद राजहंस संतोष पासलकर राजु शिंगे रमेश सोनकांबळे कृष्णा सोनकांबळे अशोक नेटके विश्वास दिघे आणि काँग्रेस पक्षाचे स्थानिक कार्यकर्ते मोठ्या संख्येने उपस्थित होते.

प्रभागातील, त्याच बरोबर पर्वती मतदार संघातील नागरिकांचे आज वाढदिवस .
मा .आबा बागुल साहेब यांच्या मार्गदर्शना नुसार नागरिकांच्या घरी जाऊन त्यांना भेटून शुभेच्छा देण्याचा योग आला.
या प्रसंगी त्यांना तुळशीचे रोप देण्यात आले. त्यांना भेटल्यावर त्यांच्या चेहऱ्यावरचा आनंद आम्हाला खूप काही सांगुन गेला. तेव्हा एक गोष्ट कळाली कि आबांनी लोक जोडण्यासाठी आणि लोकांचे प्रेम आणि विश्वास मिळविण्यासाठी गेले 30 वर्ष जे प्रयत्न केले ते आज सफल झाले.
या प्रसंगी आज नगरसेवक दिनेशजी धाडवे ह्यांची देखील एका वाढदिवसाला भेट झाली या प्रसंगी धनंजय कांबळे, जय कुमार ठोंबरे ,विश्वास दिघे, निलेश जाधव ,मचिंद्र बनसोडे, रमेश सोनकांबळे, राजु शिंगे, दिनेश मालुसरे, इम्तियाज तांबोळी व इतर मित्र परिवार उपस्थित होते.

पुणे
महापालिकेच्या सन २०१७-१८ च्या अंदाजपत्रकात सुमारे १७००कोटी रुपयांची तूट आल्याचा पर्दाफाश प्रदेश काँग्रेसचे प्रतिनिधी व माजी उपमहापौर आबा बागुल यांनी केला असून सत्ताधारी भाजपने करदात्या पुणेकरांची फसवणूक केल्याचा आरोपही केला आहे.
पालिकेच्या सन २०१७-२०१८ साठी ५हजार ९१२ कोटी रुपयांच्या अंदाजपत्रकाला मुख्यसभेने मान्यता दिली मात्र सद्यस्थितीत आढावा घेतला असता केवळ ४२२६ कोटी रुपयेच जमा झाले आहे. त्यामुळे शहराच्या सर्वांगीण विकासासाठी भाजपने दिलेले आश्वासने भुलथापाच ठरल्या आहेत असे स्पष्ट करून माजी उपमहापौर आबा बागुल म्हणाले कि, अंदाजपत्रकाचा आढावा घेतला असता महसुली खर्च [ पगार , मेंटेनन्स ] हा २२९७कोटी रुपये असून विकासकामांना केवळ १५५० कोटी रुपयेच उपलब्ध झाल्याने त्याचा फटका शहराच्या विकासाला बसला आहे त्यामुळे निवडणूका डोळ्यासमोर ठेवून भाजपने केवळ आकडे फुगवून अंदाजपत्रक सादर केले आणि विकासाचे गाजर पुणेकरांना दाखवले हेच आता अधोरेखित झाले आहे. एकीकडे अंदाजपत्रकात इतकी मोठी तूट असताना केंद्राकडून जीएसटीतुन तीन महिन्यांचे सुमारे १८ कोटी आलेले नाहीत, हेही निदर्शनास आले आहे. केंद्र -राज्य सरकारकडे असलेली थकबाकी वसुलीला प्राधान्य देण्याची गरज असताना त्याकडे सत्ताधारीच काय प्रशासनही दुर्लक्ष करीत आहे असेही आबा बागुल यांनी नमूद करताना एकूणच हे अंदाजपत्रक फसवे आहे का ? असा सवाल केला.
उपमहापौरपदाच्या कालावधीत शहर विकासाला चालना मिळण्यासाठी पालिकेला उत्पनाचे स्रोत कसे वाढतील यासाठी रेव्हन्यू कमिटीची स्थापन केली होती. उत्पन्नवाढीसाठी प्रयत्न करताना जमा किती , खर्च किती याचा सातत्याने आढावा प्रशासनाबरोबर काँग्रेसकडून घेतला जात होता मात्र सत्ताबदल झाल्यानंतर सत्ताधारी भाजपने त्याकडे दुर्लक्ष केले परिणामी आज मोठ्याप्रमाणावर तुटीला सामोरे जावे लागत आहे. त्यामुळे रेव्हन्यू कमिटीचे महत्व लक्षात घेऊन अंदाजपत्रकात तूट का आली याचा गांभीर्याने विचार करावा आणि अंदाजपत्रकाद्वारे दिलेल्या आश्वासनांची पूर्तता कशी करणार याचा खुलासा भाजपने करावा अशी मागणी आबा बागुल यांनी केली आहे.

पुणे
राज्यात प्लॅस्टिक बंदी लागू झाली आहे,त्याचे स्वागत होत आहे मात्र सध्या दुकानांमध्ये 'घुसखोरी' करून तपासणी करण्याची कृती पुणे महापालिका प्रशासनाला महागात पडू शकते. विना सर्च वॉरंट दुकानांमध्ये तपासणी करणे हे बेकायदेशीर असून पालिकेवर दरोड्याचा गुन्हाही दाखल होऊ शकतो,याकडे माजी उपमहापौर व महाराष्ट्र प्रदेश काँग्रेसचे प्रतिनिधी आबा बागुल यांनी लक्ष वेधले आहे.
यासंदर्भात आयुक्त सौरभ राव यांना दिलेल्या निवेदनात माजी उपमहापौर व प्रदेश काँग्रेसचे प्रतिनिधी आबा बागुल यांनी म्हटले आहे कि, राज्यात लागू झालेल्या प्लॅस्टिक बंदीचे स्वागत आहे मात्र महापालिका प्रशासनातर्फे प्लॅस्टिक विरोधात जी कारवाई सुरु झाली आहे ,ती कायदेशीरदृष्टया अडचणीत आणणारी आहे. विशेषतः आपले अधिकारी आणि कर्मचारी सर्रास दुकानांमध्ये घुसखोरी करून तपासणी करीत आहेत आणि दंडात्मक कारवाई करीत असले तरी ती कृती फौजदारी गुन्हा दाखल होण्यास कारणीभूत ठरणारी आहे. वास्तविक ज्यावेळी आपण एखाद्या दुकानाची तपासणी करण्यास जातो ,त्यावेळी कायद्यानुसार सर्च वॉरंट असणे अनिवार्य आहे. सध्या प्लॅस्टिक बंदी लागू होऊन दोन दिवसही झालेले नाहीत,अशावेळी दुकानदारांकडे पूर्वीचा केलेला प्लॅस्टिक साठा साहजिकच असणार आहे.त्यासाठी आधी नोटिसा द्याव्यात त्यानंतर कायदेशीर मार्गाने पंचनामा करावा. असे असताना आपले अधिकारी आणि कर्मचारी थेट दुकानांची तपासणी करून दंडात्मक कारवाई करीत आहेत. जे कायदेशीरदृष्टया अयोग्य आहे. एकप्रकारे ती घुसखोरीच आहे. उद्या कुठल्याही दुकानदाराने /व्यावसायिकाने दरोडा ,घरफोडी किंवा कायद्याने जे कलम असतील त्याचा आधार घेतल्यास महापालिका प्रशासन अडचणीत येऊ शकते, दरोड्याचा गुन्हा दाखल होऊ शकतो. त्यामुळे कोणत्याही दुकानाची तपासणी करताना कायदेशीर मार्गाचा अवलंब करून सर्च वॉरंट घेऊन कृती करावी यासाठी सर्व कायदेशीर बाबी तपासूनच प्लॅस्टिक बंदी विरोधात कारवाई करावी मात्र दरोडा ,घरफोडीचा गुन्हा दाखल होईल असे कृत्य करू नये. पुणेकर समंजस आहेत,ते योग्य सहकार्य करतील पण 'घुसखोरी' करून तपासणी करणे हे बेकायदेशीर आहे याची नोंद घ्यावी अन्यथा आम्हाला कायदेशीर मार्ग अवलंबवा लागेल असा इशाराही आबा बागुल यांनी दिला आहे.

पुणे
पुणे अत्याचाराचा एक व्हिडीओ प्रसारित झाल्यानंतर अत्याचार करणाऱ्या नराधमांवर कारवाई होत असेल तर ती कौतुकाची बाब आहे मात्र कायद्याचे उल्लंघन हे कारण पुढे करून जर काँग्रेसचे राष्ट्रीय अध्यक्ष राहुल गांधी यांना राज्य बाल हक्क आयोग नोटीस पाठवीत असेल तर मग हा व्हिडीओ प्रसारित करणाऱ्या देशातील जनतेलाही नोटिसा धाडणार का ? असा सवाल महाराष्ट्र प्रदेश काँग्रेसचे प्रतिनिधी व पुण्याचे माजी उपमहापौर आबा बागुल यांनी केला असून द्वेषापोटी कदापि राजकारण नको अशी अपेक्षाही व्यक्त केली आहे.
जामनेर तालुक्यातील वाकडी येथे विहिरीत पोहायला गेलेल्या दोन मुलांना नग्न करून त्यांना मारहाण केल्याच्या प्रकरणाचा व्हिडीओ ट्विटरवर अपलोड केल्याप्रकरणी काँग्रेसचे राष्ट्रीय अध्यक्ष राहुल गांधी यांना राज्य बाल हक्क आयोगाने नोटीस बजावली आहे. राहुल यांनी मुलांचा व्हिडीओ ट्विटरवर व्हायरल केल्याने या कायद्याचा भंग होत असल्याने ही नोटीस पाठवण्यात आली आहे.बाल लैंगिक प्रतिबंधक कायदा २०१२ नुसार या आरोपींवर गुन्हा दाखल केलेला असतानाही अशा प्रकारचा कुठलाही व्हिडीओ अथवा फोटो प्रसारित करणे गुन्हा असल्याचे बाल हक्क आयोगाने म्हटले आहे.या पार्श्वभूमीवर महाराष्ट्र प्रदेश काँग्रेसचे प्रतिनिधी व पुण्याचे माजी उपमहापौर आबा बागुल म्हणाले कि, एका व्हिडीओमुळे ही घटना उघडकीस आली आणि अत्याचार करणाऱ्या नराधमांवर कारवाई झाली ही बाब महत्वाची आहे. ऑनलाईन प्रसारमाध्यमे, वृत्तवाहिन्या यांनीही या घटनेची दखल घेतली इतकेच नाही तर हा व्हिडीओ देशातील जनतेनेही प्रसारित केल्याने अत्याचार करणाऱ्या प्रवृत्तींपुढे धाक निर्माण झाला आहे, असे असताना काँग्रेसचे राष्ट्रीय अध्यक्ष राहुल गांधी यांना राज्य बाल हक्क आयोगाने नोटीस पाठवणे म्हणजे द्वेषापोटी राजकारण आहे का ? हा प्रश्न निर्माण होत असून तसे असेल तर राज्य बाल हक्क आयोग देशातील जनतेला नोटीस धाडणार का असा सवालही आबा बागुल यांनी केला आहे.

पुणे
चोवीस तास पाणी पुरवठा म्हणजे नेमके काय आहे ? धरणातील पाणीसाठ्याची उपलब्धता कशी आहे याचा कोणताही विचार न करता तसेच जागा नसताना टाक्या उभारून आणि जलवाहिन्या टाकून ही योजना होणार आहे का ? निविदांमधील दरांचे घोळ, मर्जीतील ठेकेदारांसाठीच कोट्यवधी रुपयांची उधळपट्टी , काम सुरु नसताना २०० कोटींचे कर्जरोखे ;पण व्याजापोटी पुणेकरांवर आतापर्यंत १८ कोटींचा 'भार' आदी विविध मुद्दे उपस्थित करून वादग्रस्त ठरलेल्या समान पाणीपुरवठा योजनेतील अनागोंदीविरुद्ध पुणेकरांच्यावतीने माजी उपमहापौर व महाराष्ट्र प्रदेश काँग्रेसचे प्रतिनिधी आबा बागुल यांनी हायकोर्टात जनहित याचिका दाखल केली आहे.
याबाबत माजी उपमहापौर आबा बागुल म्हणाले कि, वादग्रस्त ठरलेल्या समान पाणीपुरवठा योजनेतील अनियमितताअनेकवेळा चव्हाट्यावर आलेली आहे त्याबाबत वारंवार आम्ही तक्रारी केलेल्या आहेत. शहरातील नागरिकांना २४ बाय ७ पाणीपुरवठा करण्याच्या निमित्ताने मोठा गाजावाजा करून देशात पहिल्यांदाच कर्जरोख्यांचे 'सेलिब्रेशन ' करणाऱ्या महापालिका प्रशासनाने अंदाजपत्रकात समान पाणी पुरवठ्यासाठी ५०० कोटींची तरतूद असतानाही २०० कोटी रुपये कर्जापोटी पालिकेच्या स्वतंत्र खात्यात जमा करून घेतले. प्रत्यक्षात या योजनेच्या कामावर एक रुपयाही खर्च झालेला नाही. उलट पालिकेचा मोठा आर्थिक तोटाच झाला आहे. योजना घाईगबडबडीत राबविण्यासाठी प्रशासनाने बनवाबनवीचा कारभार केला. आधी जादा दराची निविदा भरणारी कंपनी नंतर कमी दराची निविदा कशी काय भरते ?या प्रश्नाकडे सोईस्कर दुर्लक्ष करण्यात आले. त्यातही अमृत अभियानअंतर्गत जुलै २०१६ रोजी पाणीपुरवठा प्रकल्पाशी संबंधित मॅकेनिकल , इलेक्ट्रिकल, अटोमेशन आदी कामांसाठी स्वतंत्र निविदा काढण्याबाबत अध्यादेश / परिपत्रक जारी करण्यात आलेले आहे तसेच याबाबत उच्च न्यायालयानेही तसा निर्णय दिलेला असताना त्याकडे दुर्लक्ष करीत पालिका प्रशासनाने एकत्र निविदा प्रक्रिया राबवली आहे. त्यामुळे पालिका प्रशासनाची ही कृती बेकायदेशीर असून संशयास्पद तर आहे शिवाय न्यायालयाच्या निर्णयाचा अवमान करणारी आहे.पालिकेला जाणीवपूर्वक आर्थिक तोट्यात घालण्याची कृती तत्कालीन आयुक्तांनी केलेली आहे ,ठराविक कंत्राटदारासाठी हा अनागोंदी कारभार झालेला आहे. त्यामुळे या योजनेच्या निविदा प्रक्रियेची चौकशी व्हावी यासाठी ही जनहित याचिका दाखल करण्यात आली आहे.

Previous Next

पुणे
पुणे शहर जिल्हा काँग्रेसचे सरचिटणीस अमित बागुल आणि मित्रपरिवारातर्फे गुरुपौर्णिमेनिनिमित्त विविध शाळा, महाविद्यालयांमधील ८१ शिक्षकांचा, गुरुजनांचा विशेष सन्मान माजी उपमहापौर आबा बागुल व पुणे नवरात्रौ महिला महोत्सवाच्या अध्यक्षा जयश्री बागुल यांच्या हस्ते करण्यात आला. याप्रसंगी द. स. पोळेकर, नंदकुमार बानगुडे, अरुण कामठे, सतीश पवार, संतोष गिळे, प्रकाश आरणे, संयोजक अमित बागुल, विश्वास दिघे, सतीश कांबळे, आदींसह मान्यवर व्यासपीठावर उपस्थित होते. यावेळी माजी उपमहापौर आबा बागुल म्हणाले कि,''केवळ विद्या देऊन गुरुचे कार्य संपत नाही तर आपल्या जीवनविषयक अनुभवातून आलेले शहाणपण शिष्यापर्यंत पोहचविण्याचे कार्य गुरु करीत असतो.एकप्रकारे गुरु हा दिशादर्शक आहे. शिक्षण हे परिवर्तनाचे माध्यम आहे आणि विकासाचा खरा मंत्र आहे आणि त्यात शिक्षकांची भूमिका ही मोलाची आहे. ज्ञान, व्यवहार, विवेक, आत्मविश्वास हे आई -वडील आणि गुरूंशिवाय मिळत नाही'',असेही आबा बागुल यांनी स्पष्ट केले. कार्यक्रम यशस्वी करण्यासाठी धनंजय कांबळे, सागर आरोळे, इम्तियाज तांबोळी, योगेश निकाळजे, संतोष पवार,भरत तेलंग,महेश ढवळे, गणेश गायकवाड, प्रज्ञावंत जाधव, सुयोग पाटोळे, सुयोग धाडवे, बाबालाल पोळके, समीर शिंदे, अमर ससाणे.