पुणे शहराच्या विकासासाठी अनेक योजना माझ्या नेतृत्वाखाली आखण्यात आल्या आहेत. यांत वाहतूक बोगदा, HCMTR रस्त्याच्या कामाचा आढावा, महिलांसाठी सार्वजनिक स्वच्छता गृहे, प्रदूषण विरहित परिसरासाठी दुचाकीसाठी स्वतंत्र मार्ग, सांडपाणी शुद्धीकरण अशा उपक्रमांचा समावेश आहे.

राजीव गांधी E-learning अकादमी हे देशात एकमेकाद्वितीय असे माझे स्वप्नशिल्प आहे. देशासाठी ते एक आदर्श उदाहरण आहे. समाजातील दुर्बल घटकांतील मुले इलेक्ट्रोनिक शिक्षण पद्धतीद्वारे येथे शिक्षण घेत आहेत. याचा विशेष म्हणजे मुलांना दप्तराचे ओझे पेलावे लागत नाही. चाकोरीबाहेरची नाविन्यपूर्ण कल्पना प्रत्यक्षात उतरली आहे. पुणे महानगर पालिकेच्या या शाळेचे उद्घाटन तत्कालीन मुख्यमंत्री श्री. पृथ्वीराज चव्हाण यांच्या हस्ते २०१२ साली झाले. तेव्हापासून देशातील अनेक राजनैतिक व्यक्ती, प्रशासकीय अधिकारी, राजकीय नेते, शिक्षण तज्ञ शाळेला आवर्जून भेट देत असतात. शाळेत मुलांना अतिशय उच्च दर्ज्याचे शिक्षण दिले जाते. त्याचबरोबर गरीब कुटुंबातील मुलांना मोफत जेवण व अन्य सुविधा पुरविल्या जातात. सध्या CBSE बोर्डाच्या बारावी पर्यंतचे शिक्षण विनामूल्य दिले जाते. IIT सारख्या प्रतिष्ठित संस्थाच्या प्रवेश पूर्व अभ्यासक्रमाची तयारी करून घेण्यासाठी प्रशिक्षण सुविधा अल्प काळात सुरु होणार आहे.

शहरासाठी माझी आणखी एक अभिनव कल्पना म्हणजे झोपडपट्टी पुनर्विकास योजना (SRA). या योजनेअंतर्गत झोपडपट्टीचे सध्याच्या स्थानापासून स्थलांतर करावयाचा प्रस्ताव आहे. कोणा बांधकाम व्यावसायिकाला पुनर्वसनाचे काम देण्यापेक्षा प्रत्येक झोपडपट्टी रहिवाशाला सुमारे ३० ते ४० लाख रुपये किंमतीचे विकास हक्क पत्र ( Development Right Certificate -DRC) दिल्यास हे पत्र विकून त्याला आपल्या आवडीचे व हवे तसे घर विकत घेता येईल. यामुळे पुणे मनपा लाही क्रीडांगणे, शाळा, इस्पितळे, बागबगीचे व वाहनतळ यांसाठी मोकळी जागा उपलब्ध होईल. या प्रस्तावाला SRA समितीने मान्यता दिली असून राज्य सरकारची मंजुरी अपेक्षित आहे. या योजनेची माहिती व्हावी या दृष्टीने मी हजारो झोपडवासीयांना एकत्र आणण्याचा प्रयत्न केला व त्याला कॉंग्रेसचे परंपरागत मतदार असलेल्या झोपडवासियांनी प्रचंड प्रतिसाद दिला. आपले राहणीमान उंचावू शकेल अशी आशा या चळवळीने त्यांच्या मनात निर्माण केली आहे.

गेली १२ वर्षे सातत्याने वृद्ध व गरीब लोकांसाठी काशी (वाराणसी) विनामूल्य तीर्थयात्रेचे यशस्वी आयोजन केले जात आहे. आतापर्यंत ५०,००० हजार भक्तांनी याचा लाभ घेतला आहे. पुणे – वाराणसी – पुणे अशा खास गाडीची व्यवस्था केवळ या यात्रेसाठी केली जाते.

मी अजून एक उपक्रम दर वर्षी राबवीत असतो: दहा दिवसांचा नवरात्र उत्सव “पुणे नवरात्री सांस्कृतिक महोत्सव” या नावाने होत असतो. जिथे हा महोत्सव साजरा होतो त्या महालक्ष्मी मंदिराची उभारणी माझ्याच प्रेरणेने झाली. या महोत्सवात पं. भीमसेन जोशी, पं. शिव कुमार शर्मा, पं. हृदयनाथ मंगेशकर यांसारख्या दिग्गजांनी बहारदार गायन – वादन सादर करून महोत्सवाची शान वाढवली आहे. १९ वर्षांची परंपरा असलेल्या या महोत्सवात लक्ष्मीमाता कला संस्कृती पुरस्कार व महर्षी पुरस्कार प्रदान केले जातात. याच वेळी महिला महोत्सवही साजरा केला जातो. यामध्ये हजारो महिलांचा सहभाग असतो.

प्रमुख पाहुणे किंवा सन्मान्य पाहुणे या नात्याने या कार्यक्रमाला अनेक थोर मंडळींची उपस्थिती लाभली आहे. त्यांतील काही नावे – मा. मुख्यमंत्री श्री. पृथ्वीराज चव्हाण, मा. उपमुख्यमंत्री श्री. अजितदादा पवार, श्रीमती अंबिका सोनी, श्री. पतंगराव कदम, श्री. हर्षवर्धन पाटील, श्री. सुरेश कलमाडी, श्री. उल्हास पवार

धर्म निरपेक्षता व सर्व धर्मांप्रती सद्भाव व प्रेम ही तत्वे म्हणजे माझा जीव की प्राण.वेगवेगळ्या धर्मांतल्या सुमारे १०,००० गरीब मुलांसोबत मी दर वर्षी नाताळ सण साजरा करतो. तसेच रमजान ईद च्या वेळी ईद सण साजरा करतो. यात ७००० लोकांचा सहभाग असतो. याचा एक भाग म्हणून अंधांसाठी दिवाळी साजरी करणे, शालेय मुलांसाठी कोकण व अजंठा येथे इतिहास व निसर्गसंशोधन सहलींचे आयोजन हे उपक्रम राबविले जातात.

वृक्षारोपण, रक्तदान शिबिरे, मोफत वेद्यकीय तपासणी, गरीब मुलांसाठी मोफत पुस्तक वाटप, गरजू मुलांना शेक्षणिक मदत, ज्येष्ठ नागरिकांसाठी विरंगुळा केंद्र, आधार कार्ड जोडणी संदर्भात मदत असे विविध उपक्रम मी इंदिरा फौंडेशन च्या नावे हाती घेतले आहेत.